كشف الإعلامى خالد الغندور تفاصيل جلسة جوزيه جوميز المدرب للفريق الأبيض مع اللاعب الجديد اوفي إيجاريا.
واضاف:”النهاردة الصبح وصل الإنجليزي أوفي إيجاريا صفقة نادي الزمالك الجديدة لمصر واللاعب مضيعش وقت وتوجه على طول لمقر النادي وعقد جلسة مع جوميز المدرب لـ نادي الزمالك”.
وتابع:”الجلسة كانت سريعة جدا لأن جوميز كان هينزل التدريب لكنه رحب جدا بوجوده في النادي وقاله انك موجود هنا في نادي الزمالك عشان هتكون افضل لاعب في مصر.. جوميز اتكلم مع اللاعب وقاله انا حاطط امال كبيرة عليك وبالرغم من غيابك الطويل الفترة اللي فاتت انا عندي ثقة كبيرة في تألقك “.
واكمل:”جوميز كمان تقدم بطلب من اللاعب عدم التركيز في اي كلام هيتقال عليه بخصوص غيابه الطويل عن الملاعب او اي كلام يخض مسيرته في اوروبا.. وان مفتاح النجاح هنا بدايته في عدم التركيز في اي كلام بيتقال عليك خصوصا السلبي
اللاعب خضع للكشف الطبي والمفروض هيبدأ يكون موجود في التدريبات والمباريات الودية الجاية”